კითხვები

პირველი კონსულტაცია იძლევა საშუალებას შეფასდეს მდგომარეობა, პაციენტთან ერთად დაიგეგმოს მკურნალობის ტაქტიკა, მიეცეს შესაბამისი დანიშნულება ან ფსიქოლოგიური რეკომენდაცია.

რა თქმა უნდა არა. აღნიშნული სპეციალობის, ზოგადად ფსიქიკური თუ ფსიქოლოგიური პრობლემების მაღალი სტიგმატიზაციის გამო ადამიანები ხშირად თავს არიდებენ შესაბამისი პროფილის სპეციალისტებისათვის მიმართვას. ფსიქოლოგიური/ფსიქიკური პრობლემები ისევე საჭიროებენ მკურნალობას და დახმარებას, როგორც ჯანმრთელობის სხვა (სომატური) პრობლემები. აგრეთვე უნდა ავღნიშნოთ, რომ ფსიქოლოგიური/ფსიქიკური პრობლემები ცხოვრების სტრესული რეჟიმიდან გამომდინარე საკმაოდ ხშირია და სულაც არ არის ადამიანების "სისუსტის" ან "ნაკლოვანების" მაჩვენებელი, რადგან ყველაფერს აქვს შესაძლებლობის ზღვარი და მათ შორის ჩვენი ფსიქიკის "დამცველობით" რესურსსაც.

ფსიქიატრის კომპეტენციის ფარგლებში შედის ნებისმიერი ფორმის და სიმძიმის ფსიქოლოგიური/ფსიქიკური პრობლემის მკურნალობა, დაწყებული შფოთვითი (ნევროზული), ფობიკური (შიშები) დეპრესიული, პიროვნული (სახიათობრივი), კვებითი (ანორექსია, ბულიმია) პრობლემებით, დამთავრებული ფსიქოზური რეგისტრის აშლილობებით.

დეპრესია არის მდგომარეობა, რომელსაც ახასიათებს გუნება განწყობის დაქვეითება უხალისობა, ხშირად უიმედობა, წარსულის ნეგატიური შეფასება, დაქვეითებული თვითშეფასება, მეხსიერების და ყურადღების კონცეტრაციის, დაქვეითება, შრომისუნარიანობის შეზღუდვა და ძილის დარღვევები.

ფსიქიატრი არის განათლებით ექიმი, რომლის ძირითად ინსტრუმენტს წარმოადგენს მედიკამენტური მკურნალობა. ფსიქოლოგი არის სპეციალიზირებული ფსიქოლოგიური ცოდნის მქონე ადამიანი. ფსიქოთერაპევტი ძირითად განათლებით არის ფსიქოლოგი, რომელმაც შემდგომ გაიარა ფსიქოთერაპიის, როგორც თეორიული ასევე ხანგრძლივი პრაქტიკული კურსი. ფსიქოთერაპევტის ინსტრუმენტს წარმოადგენს სხვადასხვა მეთოდით ფსიქოთერაპიული მუშაობა.

ზოგიერთი მედიკამენტის ჯგუფი, რომელიც გამოიყენება ფსიქიკური პრობლემების სამკურნალოდ არასწორი მიღების შემთხვევაში მართლაც იწვევს მიჩვევას. აღნიშნული მედიკამენტები უნდა იქნეს გამოყენებული მხოლოდ საჭიროების შემთხვევაში და დასაშვები დროით, რაც პრაქტიკულად გამორიცხავს მათზე დამოკიდებულებას. ფსიქიკური ჯანმრთელობის სფეროში გამოყენებული მედიკამენტების ჯგუფების უმრავლესობა დამოკიდებულებას არ იწვევს.

მკურნალობისას ვიყენებთ ფსიქოთერაპიის დღესდღეობით ყველაზე გავრცელებულ და მაღალეფექტურ მეთოდებს, როგორიცაა:

• კოგნიტურ ბიჰევიორალური თერაპია (CBT)
• EMDR  (თვალის დესენსიტივიზაციისა და რეპროცესების თერაპია), აღნიშნული მეთოდი პირველად საქართველოში 2 წლის წინ დაინერგა ჩვენთან ჰოლანდიელი სპეციალისტების დახმარებით
• ეგზისტენციალური ( ჰუმანისტური) თერაპია
• არტ თერაპია (იზოთერაპია, ხატვით ტერაპია, მანდალათერაპია, მეტაფორული გამოსახულებები, ქვიშათერაპია)

დიახ, ექვემდებარება. მიუხედავად იმისა, რომ ადამიანები ნერვული აშლილობის უკიდურესად გახანგრძლივების შემთხვევაში აკითხავენ სპეციალისტს,  მკურნალობა აბსოლუტურ უმრავლესობაში ეფექტურია. ეფექტურობის ასამაღლებლად, როგორც წესი, საჭიროა კომპლექსური მკურნალობა.

• ინდივიდუალური ფსიქოთერაპიული სეანსი 1 საათი გრძელდება
• ჯგუფური, თუ არტთერაპიის სეანსი - 1.5დან 2 საათამდე

ნევროზული და ფსიქოზური რეგისტრის დაავადებებს შორის მკაცრი და დიდი ზღვარია. ნერვოზი ფსიქოზში არ „გადადის“. 

სხვადახვა მეთოდით მკურნალობისას სეანსების რაოდენობა სხვადასხვაა და დამოკიდებულია ბევრ ფაქტორზე. ზოგადად კოგნიტურ-ბიჰევიორალური თერაპიის დროს 6-12 სეანსი, არტ თერაპიის დროს 8-16 სეანსი, EMDR 4-6 სეანსი.