ჩვენს ცენტრში ხორციელდება აზარტულ თამაშებზე დამოკიდებულების (ლუდომანია) სამკურნალო/რეაბილიტაციური პროგრამა.
აღნიშნული პროგრამა მოიცავს ექიმის, ფსიქოთერაპევტის და არტთერაპევტის აქტიურ ჩართულობას და მკურნალობას.
ლუდომანიამ (აზარტულ თამაშებზე დამოკიდებულება) ბოლო ათწლეულის განმავლობაში განასკუთრებული აქტუალობა შეიძინა საქართველოში. პრობლემის სიმძიმიდან გამომდინარე, მხოლოდ კომპლექსური მიდგომა იძლევა განკურნების მეტ ალბათობას.
ყოველივე ზემოთაღნიშნულიდან გამომდინარე შემუშავებულ იქნა სპეციალური პროგრამა, რომელიც ეფუძნება საერთაშორისო გაიდლაინებს.
ჩვენი ცეტრის სპეციალისტებს გააჩნიათ აზარტულ თამაშებზე დამოკიდებულებულ პირებთან მუშაობის მრავალწლიანი გამოცდილება.

მოკლე ინფორმაცია თამაშებზე დამოკიდებულების შესახებ:

• თამაშისადმი მომატებული, მუდმივი ლტოლვა, სათამაშო დაწესებულებებში დიდი დროის გატარება
• ინტერესთა სფეროს შევიწროვება – სხვა ინტერსების გაქრობა ან დაქვეითება და მხოლოდ თამაშზე ფიქრი
• ლუდომანი ძირითადად თამაშზე ფიქრობს, გონებაში წარმოსახავს თამაშთან დაკავშირებულ სხვადასხვა კომბინაციებს
• ნებელობის დაქვეთება, კონტროლის მექანიზმის დაკარგვა
• თამაშის თვითნებურად ან იძულებით შეწყვეტის შემთხვევაში ძლიერი ფსიქოლოგიური სიმპტომების აღმოცენება, როგორიცაა: დაძაბულობა, ადვილად გამღიზიანებლობა, შფოთვა, უხალისობა, უძილობა და ა.შ.
• დადებული ფსონებზე რაციონალური კონსტროლის დაკარგვა, და შესაძლებლობეთან შედარებით გაზრდა, რასაც თან ერთვის ფინანსური, ოჯახური, თუ სოციალური პრობლემები

პროლოგნირებული ექსპოზიციის თერაპია (PET) პირველად საქართველოში (2016) დაინერგა ამერიკელი ფსიქოლოგების (Joel Foster, David Tubman) დახმარებით.

აღნიშნული მეთოდი წარმოადგენს კოგნიტურ-ბიჰევიორული მეთოდის სახესხვაობას, რომელიც სპეციფიკურად შეიქმნა პოსსტრავმული სტრესული პრობლემების სამკურნალოდ.

თერაპიის დროს ხდება ტრავმული მოვლენის ხელახალი განცდა, რის ფონზეც თანდათან იკლებს ტრავმატული ფაქტის მიმართ ნეგატიური და ამრიდებლური ქცევა, იკარგება მასთან ნეგატიური ემოციური კავშირი, რაც განაპირობებს პოსსტრავმული სტრესული აშლილობის სიმპტომების შემცირებას.

ჩვენს ცენტრში აქტიურად გამოიყენება EMDR (თვალის დესენსიტივაციისა და რეპროცესირების მეთოდი) დღეს დღეისობით ყველაზე ეფექტური მეთოდი პოსტტრავმული სტრესული პრობლემების სამკურნალოდ.
აღნიშნული ფსიქოთერაპიული მეთოდი 2015 წელს, პირველად საქართველოში დაინერგა ჰოლანდიელი სპეციალისტების (Walther Van Lieshout, Rianneke van der Gaag) დახმარებით. ტრენინგები განხორციელდა 2 ეტაპად, პირველ ეტაპზე მოხდა მეთოდის ათვისება, შემდგომ ეტაპზე მოხდა ჩვენს მიერ განხორციელებული თერაპიების ანალიზი, მათი ეფექტურობის და სწორად ჩატარების შეფასება. ამ პერიოდიდად აღნიშნული მეთოდი ფსიქოლოგ ნანა მამულაშვილის მიერ აქტიურად გამოიყენებოდა პოსტტრავმული სტრესული აშლილობების სამკურნალოდ.
მეთოდის უპირატესობას წარმოადგენს სწრაფი შედეგი 4-6 სეანსი. ასეთ მოკლე დროში შესაძლებელია სრულფასოვანი შედეგის მიღება, დროში ხანგრძლივი ეფექტით.
ჩვენს ცენტრში გამოიყენება უახლესი მოწყობილობა (EMDR Kit 2_2017), რომელიც მკვეთრად ზრდის აღნიშნული მეთოდის ჩატარების კომფორტულობას და ეფექტურობას.

ქვემოთ გაწვდით პოსტტრავმული სტრესული აშლილობის მოკლე აღწერას:

პოსტტრავმული სტრესული აშლილობა (პტსა) აღმოცენდება ადამიანის ფსიქიკაზე განსაკუთრებით ძლიერი მატრავმირებელი ფაქტორის ზემოქმედების შედეგად, როგორიც არის ომი, ბუნებრივი კატაკლიზმები, კატასტროფა, ძალადობა, წამება, ოჯახში სასტიკი მოპყრობა. ამ დროს ძირითად ნიშანს წარმოადგენს სტრესული მოვლენის ხელახლა განცდა, იმ სუტუაციებისათვის თავის არიდება რომელიც ასოციაციურად უკავშირდება მატრავმირებელ სიტუაციას, საკუთარი თავის ან სხვების დადანაშაულება ტრავმული შემთხვევის გამო ან მის მიერ გამოწვეულ მოვლენებში, წარსულ სტრესულ გამოცდილებასთან დაკავშირებული განმეორებითი, შემაწუხებელი სიზმრები, უეცრად ისე მოქცევა, ან ისეთი გრძნობის გაჩენა, თითქოს სტერსული გამოცდილება მეორდება, ფიზიკური რეაქციების ქონა (მაგ, გულის აჩქარება, სუნთქვის გაძნელება, ან ოფლიანობა) მაშინ როდესაც რაიმე წარსულ სტრესულ გამოცდილებას გახსენდებათ, თავის არიდება წარსულ სტრესულ გამოცდილებაზე ფიქრისგან ან საუბრისგან საკუთარ თავზე, სხვებზე ან სამყაროზე მუდმივად წარმოდგენილი და გადაჭარბებული ნეგატიური შეფასებები ან მოლოდინები